कोरियन भाषा परीक्षामा संलग्न ४७ नक्कली परीक्षार्थी पक्राउ
समयपोष्ट
२०७५ जेठ २७ गते ४:५५
नवौँ कोरियन भाषा परीक्षामा संलग्न ४७ नक्कली परीक्षार्थीलाई प्रहरीले पक्राउ गरेको छ । महानगरीय प्रहरी परिसर काठमाडौँको टोलीले काठमाडौँका विभिन्न परीक्षा केन्द्रबाट उनीहरुलाई शनिबार दिउँसो पक्राउ गरेको हो ।
प्रहरीले भियर इन्टरनेशनल स्कुल, बौद्धबाट १३ जना, गोल्डेनगेट इन्टरनेशनल कलेज बत्तीसपुतलीबाट एक, भिएस निकेतन तीनकुनेबाट ११, नोवेल एकेडेमी नयाँ बानेश्वरबाट पाँच, युनिभर्सल कलेज, मैतीदेवीबाट पाँच, जेभियर इन्टरनेशनल कलेज, कालोपुलबाट चार र टाइम्स इन्टरनेशनल कलेज डिल्लीबजारबाट आठजनालाई नियन्त्रणमा लिएको छ ।
अर्को व्यक्तिको परीक्षा दिन राहदानी र प्रवेशपत्रसमेत लिई परीक्षा दिइरहेको अवस्थामा जाँच गर्दा नक्कली परीक्षार्थी पक्राउ परेको प्रहरीले जनाएको छ ।
प्रतिक्रिया