फोटोग्राफीमा बढी रुची छ : हिमालयन बैङ्कका सीईओ अशोकसमशेर राणाको दैनिकी
खाना
मलाई नेपाली खाना मन पर्छ । तर अहिले स्वास्थ्यको लागि चिल्लो, रेड मिट खाँदिन । जे खाए पनि थोरै–थोरै खाए राम्रो ।
ड्रेस
अफिस आउँदा सुट लगाउनै पर्यो । अहिले अलि इनफर्मल भइएको छ । अपोइनमेन्ट हुँदा मात्र टाई लगाउन थालिएको छ । नभए फर्मलमा सुट, ब्लेजर नै भयो, म धेरेजसो गल्फ खेल्छु । त्यसैले कपडा स्पोर्टी नै किनेको छु ।
फुर्सद
फुर्सद साताको एक दिन मात्र हुने गर्छ । त्यस दिन बुबा–आमा र आफन्तहरूलाई भेट्ने गर्छु । साथै, गल्फ खेलेर प्रायः समय बित्छ । पहिले–पहिले दुई दिन बिदा भएको बेला नेपालभित्रै ट्राभल गर्ने गरिन्थ्यो । मेरो नवलपरासीमा एउटा घर पनि छ । जाडो महिनामा हामी धेरैजसो त्यहाँ जाने गर्छौं । त्यहाँ चौधरीको गल्फ कोर्स पनि छ । त्यहाँ गएर गल्फ खेल्छु । नेपालको अन्य ठाउँमा पनि बेला–बेला घुम्न गई नै रहन्छु ।
टीभी
टीभीमा फिल्म हेर्दिनँ । मुख्य हेर्ने भनेको समाचार र स्पोर्टस् नै हो । अब फुटबलको सिजन आउन लाग्यो, त्यो हेरिन्छ ।
मोबाइल
मोबाइल एप्पलको प्रयोग गर्छु । मेरा सबै ग्याजेटहरू एप्पलकै छन् । ल्यापटप, डेक्सटपदेखि घरमा टीभी पनि एप्पलकै छ । प्रायःजसो सबै एप्पलकै प्रयोग गर्छु ।
फिटनेस
मेरो ट्रेड मिल छ एउटा, बिहानमा म एक्सरसाइज गर्छु । योगा गर्ने समय मिलेको छैन । मैले पहिला आर्ट अफ लिभिङ लिएको थिएँ । त्यसको मेडिटेसन र ब्रिदिङको गर्छु म ।
फिल्म
फिल्म त्यस्तो हेर्दिनँ म ।
गीत सङ्गीत
गीत एप्पल म्युजिकमा जहिले पनि सुनिरहेकै हुन्छु ।
प्रेम
म अमेरिकाबाट पढाइ सकेर फर्किएपछि मेरो विवाह गर्ने कुरा भयो । त्यसपछि उनीसँग मेरो परिचय भयो । एक–साढे एक वर्ष एक–अर्कालाई बुझेपछि हाम्रो विवाह भएको हो ।
रुचि
पहिले फोटोग्राफी गर्दथेँ । त्यसमा अहिले पनि रुचि छ । अलि बढी किताब पढ्छु । थुप्रै बुक्सहरू डाउनलोड गरेर पढने गर्दछु । किताबहरू पनि सङ्कलन गर्न सुरु गरेको छु । अलि–अलि आर्ट पनि सङ्कलन गर्ने गरेको छु ।
अटोमोबाइल
मलाई बैङ्कले दिएको डिफेण्डर छ एउटा । अनि मेरो एउटा रेण्डरोभर र ट्रक छ ।
घडी
प्रायःजसो मैले अटोमेटिक घडी लगाउँछु । हामी सबैले हेल्थको लागि फिटबिट लगाउँछौँ । यसले हार्टरेटको बारेमा जानकारी गराउँछ । त्यही भएर एक्सरसाइज र डाइटमा फिटबिटले धेरै कन्ट्रोल गरेको छ ।
ठाउँ
मलाई तराई मन पर्छ । पहाड पनि राम्रो हो तर मलाई पहिलेदेखि नै तराई मन पर्छ ।
राशी
म राशीमा विश्वास गर्दिनँ ।
प्रतिक्रिया