अर्को सूचना नआएसम्म नयाँ लाइसेन्स वितरण बन्द
समयपोष्ट
२०७४ मंसिर ६ गते ८:०५
प्रतिनिधि तथा प्रदेशसभाको चुनावका कारण नयाँ सवारी चालक अनुमतिपत्र (लाइसेन्स) वितरण र वर्ग थपको प्रक्रिया अनिश्चितकालका लागि स्थगित भएको छ । यातायात व्यवस्था विभागले चुनावका कारण ट्रायल लिएर वितरण गर्नुपर्ने लाइसेन्स रोकेको हो ।लाइसेन्स र वर्ग थपको काम रोकिए पनि लाइसेन्सको नवीकरण भने नरोकिएको विभागले जनाएको छ ।
ट्राफिक प्रहरी र कर्मचारीहरु चुनावका लागि जिल्ला-जिल्लामा खटिएपछि लाइसेन्स वितरण अर्को सूचना नआएसम्मका लागि बन्द गरिएको एकान्तकुनास्थित लाइसेन्स कार्यालयका प्रमुख तेजनारायण यादवले जानकारी दिए ।
प्रतिक्रिया