नयाँ नेपाल लघुवित्तले प्रस्ताव गर्यो २० प्रतिशत बोनस तथा २५० प्रतिशत हकप्रद
समयपोष्ट
२०७४ मंसिर ८ गते ६:३४
नयाँ नेपाल लघुवित्त बिकास बैंकले गत आर्थिक बर्षको नाफाबाट सेयरधनीलाई २० प्रतिशत बोनस सेयर वितरण गर्ने प्रस्ताव गरेको छ । बैंकको मंसिर ८ गते सम्पन्न सञ्चालक समिति बैठकले दुई करोड रुपैयाँको २० प्रतिशत अर्थात ४० लाख रुपैयाँको बोनस सेयर वितरण गर्ने प्रस्ताव गरेको हो ।
उक्त बैठकले बोनसमा लाग्ने कर प्रयोजनका लागि १.०५२६ प्रतिशत बराबरको दुई लाख १० हजार ५२६ रुपैयाँ नगद लाभांश वितरण गर्ने प्रस्ताव समेत गरेको छ । साथै बोनसपछि कायम हुने पूँजीको २५० प्रतिशत हकप्रद जारी गर्ने निर्णय समेत बैठकले गरेको छ ।
प्रतिक्रिया