महान्यायाधिवक्ता कार्यालयले भन्यो-धितोपत्र बोर्ड अध्यक्षमा दुई जना मात्र सिफारिस गर्न मिल्दैन
नेपाल धितोपत्र बोर्ड अध्यक्षमा दुई जना मात्र सिफारिस गर्न नमिल्ने राय महान्यायाधिवक्ताको कार्यालयले दिएको छ ।
यसअघि अध्यक्ष सिफारिस समितिले मागेको रायको जवाफ दिँदै मंगलबार महान्यायाधिवक्ता कार्यालयले कार्ययोजना प्रस्तुति तथा अन्तर्वार्तामा उपस्थित दुई जनामात्र पठाउन नमिल्ने राय दिएको हो ।
बोर्ड अध्यक्षको लागि २ जनाले मात्रै अन्तर्वार्ता दिएपछि समितिले महान्यायाधिवक्ता कार्यालयसँग राय मागेको थियो। कार्यालयले २ जनाको नाम सिफारिस गर्न नमिल्ने जवाफ दिएको हो।
अहिले अन्तरबर्ता दिन नआएका ३ जनालाई पुनः सूचना जारी गरी अन्तर्वार्ताका लागि बोलाउन सक्ने कार्यालयले जनाएको छ।
अध्यक्ष छनौट समितिले यही असार द्रुतगतिमा सर्ट लिष्टमा परेका पाँचजनालाई कार्ययोजना प्रस्तुति तथा अन्तर्वार्तामा बोलाएको थियो । त्यसदिन जम्मा दुई जना सन्तोषनारायण श्रेष्ठ र मुक्तिनाथ श्रेष्ठ मात्र उपस्थित भएका थिए । बाँकी तीन जना कृष्णबहादुर कार्की, नवराज अधिकारी र चिरञ्जीवी चापागाईंका लागि गत बुधबार (असार ५ मा) डाकेको थियो ।
प्रतिक्रिया